Nútíminn er á fleygi ferð finnst manni stundum. Takturinn eins hraður og hugsast getur. Mesta hjáguð nútímans berum við um hendina, klukkan, er orðin guð okkar sem öllu ræður.
Við ættum að læra af Afríku að tíminn kemur til okkar eða eins og í þessu ljóði Í réttum takti.
Í RÉTTUM TAKTI
Hugsunarlaust hendist ég áfram,
hjartað slær ótt,
klukkan mín tifar og tíminn fer.
Tannhjól og linnulaus læti
lýja mig fljótt,
heimurinn hleypur á undan mér.
Blessaður, stattu nú stilltur,
staldraður við,
líttu upp, vitrara lífið er.
Fuglarnir syngja á flugi,
frjálsir um svið,
þeir hafa taktinn, sem hæfir þér.
Guðm. G.
Guðmundur Guðmundsson 