Þá er það seinni myndin frá Hornvík í hádegissólinni sem andsvar við miðnætursólina í Hvannadal. Þessar tvær myndir voru málaðar með þremur grunnlitunum og hvítum eftir litaaðferð van Goch sem mér fannst áhugverð þegar ég skoðaði listasafn hans í Amsterdam um árið.
Category: Myndlist
Myndir sem ég hef málað eða umfjöllun um myndlist og sérstaklega trúarlega.
Miðnætursól í Hvannadal í Hornvík
Miðnætursól í Hvannadal í Hornvík. Eitt síðasta málverkið mitt, fyrri mynd af tvennu. Olía 60 x 50 cm.
Eyjafjallajökull frá Þórsmörk
Þessa mynd teiknaði og litaði ég með pastellitum á staðnum en vann svo heima í olíu. Dýptin í myndinni er niður að læknum og upp til fjalla. Tröllið sat fyrir grafkyrrt. Endanlega útfærsla kláraðist seint og um síðir. Olíumálning, stærð 100 x 65 cm. minnir mig.
Tólfta hugvekja út frá ræðum Jesú – útbreiddur faðmur Guðs
Tólfta hugvekja út frá ræðum Jesú í Matteusarguðspjalli. Í Musterisræðunni tjáir Jesús sig um útbreiddan faðm Guðs og harm sinn í Mt. 23. 37-39. Jeremía var einn af spámönnunum sem höfðu spáð fyrir um eyðingu Jerúsalem, málverk Rembrant túlkar harm hans yfir borginni, sem sjá má með hugvekjunni. Altaristöflur Carl Bloch höfðu mikil áhrif hér… Halda áfram að lesa Tólfta hugvekja út frá ræðum Jesú – útbreiddur faðmur Guðs
Bláhúsið við Seyðisfjörð
„Bláhúsið við Seyðisfjörð“ er minningarljóð um föðurömmu og afa og þeirra börn samið og flutt á ættarmóti og þorrablóti ættarinnar 3. febrúar 2006. Þau bjuggu í litlu bláu húsi á Seyðisfirði, Jóhannes Sveinsson, úrsmiður og Elín Júlíanna Sveinsdóttir ættmóðirin.
Ræða á konudegi: Lífsferill – ævisaga
Ræða á sd. í föstuinngangi fyrst flutt í Grundarkirkju í Eyjafjarðarsveit 2011 og ári síðar í Tjarnarkirkju í Svarfaðardal 19. febrúar 2012 nokkuð breytt. Lagt út frá B-textaröð, Lk. 18. 31-34:
Sigling á Eyrarvatni
Í Vatnaskógi var þessi skúta sem ég skemmti mér oft við að sigla á góðum dögum. Myndina teiknaði ég um 1990. Stærð A3.
Hornbjarg
Þessa mynd málaði ég eftir nokkra daga gönguferð með Hafsteini og Herði Kjartanssonum sem eru ættaði úr Hælavík. Þarna sést yfir á Hornbjarg og horft niður í Hvannadal í kvöldkyrrðinni. Myndin er 45X35 cm. að stærð.
Frelsi, siðbót eða bylting
Ræða flutt á siðbótardaginn í Glerárkirkju 30. september 2016. Það var daginn eftir kosningar. Textar dagsins voru: Jer 31.31-34; Róm 3.21-28; Jóh 8.31-36. Þema ræðunnar voru orð Jesú í guðspjallinu: „Sannleikurinn mun gera ykkur frjáls“. Og: „Ef sonurinn frelsar ykkur munið þið sannarlega vera frjáls“. Það voru sungnir sálmar eftir Lúther: Upphafssálmur sb. 335: Guð helgur andi; Lofgjörðarvers… Halda áfram að lesa Frelsi, siðbót eða bylting
Opinberunarhátíð á þrettánda degi jóla
Ræða saman 2002 en þá bar þrettándinn upp á sunnudag og var dagurinn haldinn hátíðlegur í Akureyrarkirkju. Texti þrettándans er Matt. 2.1-11 um tilbeiðslu vitringanna. Hér birti ég sálminn: Drottinn Kristur kominn er.
Guðmundur Guðmundsson 