Þá hef ég verið á námskeiði í olíumálningu við Myndlistaskólann á Akureyri. Hér eru þrjár landslagsmyndir – minningar frá síðast liðnu sumri. Við hjónin fórum í Hvalvatnsfjörð með systur hennar og manni um mitt sumar. Í september gengum við upp á Heljardalsheiði, en á leiðinni niður af heiðinni var birta og skuggar áhugaverðir við vörðuna á miðri leið, séð niður í Svarfaðardal, og síðasta myndin er af Völlum í Svarfaðardal séð frá tjaldstæðinu á Húsabakka.
Myndirnar eru litlar, minni myndirnar 17X23 cm. Sú stærri 28X20 cm. Ég gerði ramma úr íslensku birki með því að fletta börkinn af nokkrum greinum og líma á rammana.
Guðmundur Guðmundsson 