Vinasöfnuðir í Afríku og afríkumatur í Glerárkirkju

Næstkomandi sunnudag 10. nóvember kemur sr. Jakob Hjálmarsson í heimsókn á kristniboðsdaginn til Akureyrar og tekur þátt í guðsþjónustum í Akureyrarkirkju kl. 11 og  Glerárkirkju um kvöldið kl. 20. Hann hefur starfað á vegum Sambands íslenskra kristniboðsfélaga í Afríku að fræðslu presta og prédikara. Um það má lesa nánar hér á síðunni.

Hann hefur stuðlað að tengslum við söfnuði í Kenía og íslenskra safnaða m. a. í Akureyrarkirkju. Á fundi á sunnudaginn kl. 19 verður rætt um að stofan slíkra tegsla. Vonir standa til að kynning hans á verkefninu verði til að skapa lifandi tengsl milli Glerárkirkju og safnaðar úti í Kenía. Til að hafa reglulega skemmtilega umgjörð verður boðið upp á mat frá Afríku, Vodd og Grill-spjót, ágóðin mun renna til kristniboðsstarfsins, einnig verður tekið á móti frjálsum framlögum. Það þarf að skrá sig í matinn í síðasta lagi föstudaginn 8. nóvember í Glerárkirkju í síma 464 8800 eða hjá Guðmundi 897 3302 / gudmundur.gudmundsson@kirkjan.is. Maturinn verður á 2.000 kr. Kynningin hefst svo kl. 19.20 og verður einnig fjallað um það í kirkjunni um kvöldið kl. 20.

Það er Kristniboðsfélag Akureyrar sem stendur að þessari dagskrá. Á Akureyri hefur verið starfandi kristniboðsfélag síðan 1926 sem hefur stutt kristniboð, upphaflega í Kína en síðar í Eþíópíu og Kenía. Sr. Jakob Ágúst Hjálmarsson fyrrverandi dómkirkjuprestur í Reykjavík hefur kennt við Fræðslumiðstöð kirkjunnar í Kapengúría í Kenía. Skólann í Kapengúría sækja m.a. verðandi prédikarar og prestar lútersku kirkjunnar. Sr. Jakob mun á samkomum og í guðsþjónustum segja frá kristniboðinu í Pókot héraði þar sem íslenskir kristniboðar hafa starfað síðan 1978.